Qu’em remenbri d’un aire, autes còps entenut
Deu temps deus mens vint ans, en quauque bal perdut.
Que parlaba de flors, de printemps e d’ahidas,
En hant virolejar las raubetas floridas.
Per quauque acordeon, sas nòtas desglaradas,
Hens las nublas deu temps las credí envoladas.
Leugèr e airejant com un branlo d’Aussau,
Qu’ei tornat com la prima après l’ivèrn mortau.
E dab eth son vienguts un sarròt de sovièrs,
Un arridèr amistós, ua peth de pershec,
Un sobac agradiu, ua talha leugèra,
Dus uelhs on se veden tots cèus de la terra.
Lo temps s’ei des-hielat com de l’aiga lo briu,
Passan los dias, passan los ans, tau com passa l’arriu.
Que’m guarda lo joenèr, aqueth air deu passat,
E que’m perseguirà dilhèu dinc au segrat.
Paraulas: Hubert Sarailh Bengué
Musica: Paul Henri Guicharousse
Arrenjaments: Jean-Claude Oustaloup
Je me rappelle d’un air autrefois entendu
Au temps de mes vingt ans dans quelque bal perdu
Il parlait de fleurs de printemps et d’envies
En faisant tourner les robes fleuries
De quelque accordéon ses notes égrénées
Dans les brumes du temps je les croyais envolées
Léger comme un branle d’Ossau
Il est revenu comme le printemps après l’hiver mortel.
Et avec sa venue une quantité de souvenirs
Un sourire familier une peau de pêche
Un corsage agréable une taille légère
Deux yeux où se voient tous les cieux de la Terre
Le temps a défilé comme le courant de l’eau
Passent les jours passent les années tout comme le ruisseau
Je garde de la jeunesse cet air du passé
Qui m’accompagnera peut être jusqu’à la tombe.
Paroles: Hubert Sarailh Bengué
Musique: Paul Henri Guicharousse
Arrangements: Jean-Claude Oustaloup
Laisser un commentaire